如果Tree gun係我同事

早前HR同事E向我大呻新請回來的同事C有幾唔掂、有幾差，完全不配做呀Head。

咁你又請佢？

我對憎嗰樣做嗰樣的人深感好奇。

老細叫到，無辦法。

同事E心中有千百萬個心有不甘。

世界上有種同事，叫皇親國戚。老細總會以各種藉口曲線證明同事C值得請︰

佢有20年工作經驗，對呢行好熟悉，加上有齊Master加Doctor，bla bla bla……

有時候，我們會說服自己去接受他人，不應對同事帶有歧視眼光。但如果有Tree gun般的人成為同事，極有機會徹底令你陷入瘋狂，甚至有劈炮的衝動。

試想像，如果有個同事想了解你多啲，問你

What are is your daily work?

咁你會點答？你或者覺得個問題好「雞毛鴨蒜」，但好地地將兩個動詞擺埋一齊，雖然不知同事C用意何在，但明顯恥笑聲在背脊此起彼落。

唔知HR同事E呢一刻會唔會因為Same（Shame）on自己，即刻想搵窿瓹呢？

今日開會想講講未來公司嘅發展大計。

例牌的會、例牌的對白，仲有不例牌的新同事C。

我覺得公司未來可以開拓更多客源，尤其係xxx、yyy方面。

我認為要應付廣告客戶嘅增長，Sales team應該再增加10%人手。

I don't think so囉！

廢話天天都多，但同事C開會語出驚人的程度足以令人下巴跌到地核裡去。

不論同事C想發表on the meeting，定話想出位on his office，可以肯定的是，他的「明張目膽」足以成為全公司上下的頭條新聞。

往後的日子，同事C繼續我行我素，同事以外亦開始與老細駁火，其奮不顧身的地步已經去到連老細都覺得佢「食碗底反碗面」。

事件日後如何發展不需深究，但帶出的重點應該是如何做好請人把關工作，慎睇求職者的語文能力、說話技巧及EQ程度。

幾多經驗，幾多碩士博士不重要，做好一份工的Key point還是懂做人處事。

全文刊於 CTgoodjobs
更多職場、筍工行情，即上CTgoodjobs